بە سڵاو و ڕێزەوە؛
هاوکات لەگەڵ دەستپێکی ساڵی نوێی خوێندن و بە مەبەستی پەرەپێدانی فەرهەنگی وەرزش و بەرزکردنەوەی ورە و چالاکی لەنێو کۆمەڵگەی زانکۆدا، قۆناغی دووەمی پڕۆژەی سەرتاسەریی پیادەڕەوی بە ناونیشانی «هەنگاوە زێڕینەکان ٢»، بە سەرپەرشتیی بەڕێوەبەرایەتیی گشتیی پەروەردەی وەرزشیی ڕێکخراوی کاروباری قوتابیان، بەڕێوە دەچێت.

ئەم پڕۆژەیە کە بە ئامانجی گەشەپێدانی فەرهەنگی وەرزشی گشتی و بە کەڵکوەرگرتن لە تەکنەلۆژیای نوێ (ئەپلیکەیشنی گامیران) داڕێژراوە، سەرجەم قوتابیان، فەرمانبەران و ئەندامانی بەڕێزی دەستەی زانستی دەگرێتەوە. لە کۆتایی چالاکییەکەدا، خەڵاتی بەنرخ پێشکەش بە تاکە سەرکەوتووەکان و زانکۆ براوەکان دەکرێت.

ماوەی بەڕێوەچوونی پڕۆژە: لە ١٢ی خەزەڵوەری ١٤٠٤ تا ١٢ی ڕێبەندانی ١٤٠٤ (بۆ ماوەی سێ مانگ).

• زانیاریی زیاتر و ڕێنمایی بەشداریکردن لە فایلی هاوپێچدا خراوەتە ڕوو.