خوێندکارانی کچی زانکۆی کوردستان لە پێشبڕکێکانی خوێندکارانی ناوچەی ٥ی وڵات بە میوانداری زانکۆی ڕازی کرماشان، بە مەبەستی بەدەستهێنانی پشکی ١٧هەمین ئۆڵۆمپیادی خوێندکارانی وڵات، سەرکەوتوو بوون لە بەدەستهێنانی پلە باڵاکان.

لەو خولەی پێشبڕکێکاندا کە لە ڕۆژانی ٢٦ و ٢٧ی پووشپەڕ لە زانکۆی ڕازی بەڕێوەچوو، خوێندکارانی کچی تایکواندۆکاری زانکۆی کوردستان بە ڕاهێنەرایەتی خاتوو نێرگز فەتاحی، توانییان سێ مەدالیای زێڕ و سێ مەدالیای بڕۆنز بەدەستبهێنن. مەدالیاکارانی زێڕ بریتی بوون لە ئەوین مەنووچێهری، ئەوین فەرامەرزی و سارینا ئیسماعیل‌زادە؛ هەروەها مەدالیاکارانی بڕۆنز بریتی بوون لە فاتیمە مورادی، مانا ڕەزایی و کیمیا قەوامی.

هەروەها لە بواری مەلەوانیدا، خاتوو ڕاحیلە یوسفی بە ڕاهێنەرایەتی خاتوو نیلووفەر مستەفا سوڵتانی، توانی دوو مەدالیای زێڕ لە مەلەی کڕاڵی سینەی ٥٠ مەتر و ١٠٠ مەتردا بەدەستبهێنێت.

لە بواری کاراتێدا، خاتوو پانیز ئەسەدی بە سەرپەرشتی خاتوو سارا ئەحمەدی، توانی مەدالیای زێڕ لە کێشی کەمتر لە ٦١ کیلۆگرامدا بەدەستبهێنێت.

هەر لە بواری گۆڕەپان و مەیداندا، لە ڕاکردنی ٤×١٠٠ مەتری بەکۆمەڵدا، هەریەکە لە خاتوونان سارینا جۆخۆر، پەڕنیان شوجاعی، پەڕیناز محەممەدی بڵبان‌ئاوا و هانا کەریمیان توانییان پلەی یەکەم بەدەستبهێنن. لە بەشی تاکەکەسییشدا، خاتوو سارینا جۆخۆر مەدالیای زیوی ١٠٠ و ٢٠٠ مەتر، خاتوو مەهسا مەنسووری مەدالیای زیوی فڕێدانی دیسک و خاتوو پەڕنیان شوجاعی مەدالیای بڕۆنزی ١٥٠٠ مەتریان بە ڕاهێنەرایەتی خاتوو فەرزانە مۆعەیێری بۆ خۆیان مسۆگەر کرد.

جێی ئاماژەیە، پلە یەکەمەکانی ئەم پێشبڕکێیانە بۆ بەشداری لە ١٧هەمین ئۆڵۆمپیادی وەرزشی خوێندکاران کە لە مانگی خەرماناندا لە زانکۆی مەشهەد بەڕێوەدەچێت، ئامادە دەبن.