بەڕێوەبەری پەروەردەی جەستەیی زانکۆی کوردستان سەبارەت بە بەڕێوەچوونی پێشبڕکێکانی شەترەنج بە میوانداری پارێزگای کوردستان ڕایگەیاند: پێشبڕکێکانی شەترەنجی خوێندکارانی زانکۆکان و دامەزراوە باڵاکانی ناوچەی پێنجی وڵات لە هەردوو بەشی کچان و کوڕان بە میوانداری زانکۆی کوردستان بەڕێوە چوو.

بەپێی ڕاپۆرتی پەیوەندییە گشتییەکانی زانکۆی کوردستان؛ دکتۆر سەید حوسێن حوسێنی‌مێهر ئاماژەی بەوە کرد: لەم خولەی پێشبڕکێکاندا، بەشداربووان لە سێ جۆری شەترەنجی ستاندارد، خێرا (ڕاپید) و بێری (بلیتز) بۆ بەدەستهێنانی پشکی بەشداریکردن لە ئۆڵۆمپیادی خوێندکارانی وڵات ڕکابەرییان کردووە. ناوبراو زیادی کرد: ئەم پێشبڕکێیانە بە بەشداری خوێندکارانی زانکۆکانی کوردستان، ڕازی، فەرهەنگیانی لوڕستان و ئیلام لە کەشێکی ڕکابەریدا بەڕێوە چوو، کە تێیدا یارییەکانی بەشی ستاندارد لە سێ خوول و یارییەکانی ڕاپید و بلیتز هەر کامەیان لە پێنج خوولدا ئەنجام دران.

حوسێنی‌مێهر ڕایگەیاند: شەترەنج‌بازانی بەشداربوو لەم خولەدا جگە لە هەوڵدان بۆ بەدەستهێنانی پلە باڵاکانی تاکەکەسی و تیمی، بۆ وەرگرتنی مۆڵەتی بەشداریکردن لە حەڤدەیەمین ئۆڵۆمپیادی کولتووری-وەرزشی خوێندکارانی وڵات ڕکابەرییان کرد. شایانی باسە کە سەرکەوتووانی هەر بەشێک بۆ حەڤدەیەمین ئۆڵۆمپیادی کولتووری-وەرزشی خوێندکارانی وڵات ڕەوانە دەکرێن.