بەپێی ڕاگەیاندنی بەشی پەیوەندییە گشتییەکانی زانکۆی کوردستان، چوارەمین پێشانگای نێودەوڵەتیی کشتوکاڵی سلێمانی کە بە بەشداریی کۆمپانیا بەرهەمهێنەرەکان و کۆمپانیا زانست-بنەماکان (Knowledge-based) لە وڵاتانی جیاوازی ناوچەکەوە بەڕێوە چوو، بە ڕێزلێنان لە غورفەی زانکۆی کوردستان کۆتایی بە کارەکانی خۆی هێنا.

زانکۆی کوردستان کە بە ئامانجی پەرەپێدانی پەیوەندییە سنووربەزێنەکان و ناساندنی دواین دەستکەوتە زانستی و توێژینەوەییەکانی خۆی لەم ڕووداوە گەورە ناوچەییەدا بەشداریی کردبوو، توانی سەرنجی سەردانیکەران و پسپۆڕان بۆ لای خۆی ڕابکێشێت.

لە کۆتاییی ئەم پێشانگایەدا، ڕێکخەران بە پێشکەشکردنی بڕوانامەی ڕێزلێنان، سوپاسی ئامادەبوونی چالاک، پیشەیی و کاریگەری زانکۆی کوردستانیان کرد لە ناساندنی توانستە زانستی و تەکنەلۆژییەکاندا. ئەم سەرکەوتنە نیشاندەری پێگەی تایبەتی زانکۆی کوردستانە لە گۆڕەپانی دیپلۆماسیی زانستی و پەیوەندییە نێودەوڵەتییەکان لە ئاستی ناوچەکەدا.